كلمات اغانى البوم بنتولد اول البوم للكينج منير

استعرض الموضوع السابق استعرض الموضوع التالي اذهب الى الأسفل

Exclusive كلمات اغانى البوم بنتولد اول البوم للكينج منير

مُساهمة  ђỐℓąҜỜ في الإثنين أبريل 23, 2012 1:27 am

بنتـــولد

بنتولد طاهرين بنتولد شبعانين بنتولد متلهفين
على صدر ام وكتف اب مرتاحين
بنتولد باكين بنتولد مش عارفين
بنتولد مش خايفين واسمنا فى درب الحياة بنى ادمين
بنتولد دفيانين بنتولد صافيين بنتولد صادقين
كما زرعة خضرا فى ارض طين زرعة احصادها احصاد عمر السنين
الحلو و المر و الطيب و الحزين
بنتولد مش داريين بالرايحين والجايين
نكبر، وتكبر فينا أعمار السنين
بنكره السنين وتكرهنا السنين
ونجرح البشر ونجرح نفسنا مع إننا بنتولد...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سيلي

سيلي يا نسمة سيلي يا نسمة في ليلي
ع الحبيبة وسلميلي وارجعيلي
سيلي يا نسمة و قولي لىام قلب دهب و لولي
عمري ليكي روحي فيكي ليكي شوقي وليكي ميلي
ياابتسامة سمرة نيلي تسلميلي
يا حبيبتي الحب داري وانتي نوري وانتي ناري
دا انتي انتي لما بنتي في الهوا نورتي ليلي
يا ابتسامة سمرا نيلي تسلميلي
ــــــــــــــــــــــــــــــــــــــــــــــــــــــــــــــــــــــــــــــــــ
سؤال

سؤال..بسألك إيه آخرة الترحال وسهر الليالي وكل يوم بحال
سؤال..بسألك ايه اخرة الاحزان دمعتي موالي و الحنين قتال
سؤال..بسألك إيه آخرة الأحلام ليلاتى واخدانى فى بحر من الأوهام
سؤال..بسألك إيه آخرة العذاب تاعبني ف سؤالي ياريت ألاقي جواب
ـــــــــــــــــــــــــــــــــــــــــــــــــــــــــــــــــــــــــــــــــــ
سهيرة ليالى

سهيرة ليالى طايرين للعلالى نجم الليل في الليل يناديلنا ويغنيلنا
في ليالي المدينة للأحباب نادينا هلوا واتلاقينا بالفرحة ف عينينا
ونجم الليل صحى ف مواويلنا شوقنا وميلنا
نجماية هوانا سهرانة معانا وقلوبنا الصبية بالحب ملالية
وهوا الليل على شاله يشلنا وينزلنا
يا قمر الليالى ضوى لنا و لالى دى الدنيا دى بتنا و الاحلام شالتنا
و احنا الليل دربنا و سبيلنا و انتى دليلنا
ــــــــــــــــــــــــــــــــــــــــــــــــــــــــــــــــــــــ
مدى ايدك

مدى ايدك ادى ايدى دة الطريق زحام
خلى قلبك ويا قلبى هاتهون الالم
انا وانتى يا حبيبتى حلم من الاحلام
دى المدينة عيون حزينة ما بتعرف تنام
احنا عايشين جوة بعض ميت سؤال ماهمش رد
مد ايدك يا حبيبتى دة الحنين مالهش يد
الزحام ملو الشوارع قلب رايح قلب راجع
عين تدور فى المفارق على الى راح منها وضايع
ـــــــــــــــــــــــــــــــــــــــــــــــــــــــــ
حلى ضافيرك

حلى ضافيرك للهوى واتميلى فى بحور الهوى وغنى للحب الى جمعنا سوا
خلى ضافيرك فى الهوى تطير تطير ورفرفى لنسمة بلشعر الحرير
ولملمينى ولملمى قلبى الاثير... كسير جريح وانتى الدوا حلى ضافير فى الهوى
مركب هوانا فى الهوى حلى الشراع رايحين سوا لبلاد ما تعرفش الخداع
وداع يا ليل الحزن يا سنين الضياع ضل الاسى داب وانطوى..حلى ضافيرك للهوى
حلى ضافيرك فى الهوى ويا القلوع وخدينى ودينى لبلاد ما فيهاش دموع
وما دام ناوينا على الطريق ما فيناش رجوع مهما الهوى زام واتلوى حلى ضافيرك فى الهوى
ـــــــــــــــــــــــــــــــــــــــــــــــ
عروسة النيل
يا عروسة النيل يا حتة من السما يالى صورتك جوة قلبى ملحمة
احنا لو مرة نادينا
تجري على اصغر مافينا
من ورا الليل والمعابد
والكنايس و المساجد
تحضنينا وتحكي لينا
تصغر الدنيا في عنينا
وانتي يا شمعه
يا قايدة في قلبنا
ياعروسة النيل ياحتة من السما

احنا ياعروسة شبابك
تكتبي نقرا كتابك
تتعبي بنشيل عذابك
تأمري بنكون جوابك
واحنا صافيين زيك انتي
انتي دايما باقية انتي
صافية زي الشمس
طاهرة زينا
ياعروسه النيل
تعيشي يامصرنا
ــــــــــــــــــــــــــــــــــــــــــــــــــــــــــــــ
أفتح زرار قميصي

أفتح زرار قميصي للنسمة و للأماني
و أنور فوانيسي و أملى العالم أغاني
باغني للسعادة وباغني للرضا
والغنوة كل ما ده تعلا وتملا الفضا
أه يا هوى ياسيسي إنت لساني وحصاني
بافتح زرار قميصي واملا العالم أغاني
باغني للحقيقة و باغني للانسان
و غنوتي الرقيقة بتنور لي الزمان
أه يا هوى ياسيسي إنت لساني وحصاني
بافتح زرار قميصي واملا العالم اغانى
ـــــــــــــــــــــــــــــــــــــــــــــــــــــــــ
غريبة
غريبة غريبة غريبة ومش غريبة
انى اكون ويا الحبيبة دنيا مبتسمة ورحيبة
وفجأة اكون زى القلوع ساعة الغروب مروحين
بلا شطوط ولا حنين وانطفى فى الحال من غير سؤال
غريبة غريبة غريبة ومش غريبة
انى اكون فى لحظة مخيفة خبر كان وسط الصحيفة
وفجأة اكون زى السطور المليانين بحاجات كتيرة منورين
وانطفى فى الحال من غير سؤال
غريبة غريبة غريبة ومش غريبة
انى اكون فى خطوة بريئة لما ادور على الحقيقة
وفجأة اكون زى الجنون جوة العيون ملهش كون كلهش لون
وانطفى فى الحال من غير سؤال
ــــــــــــــــــــــــــــــــــــــــــــــــــــــــــــــ
اكلم القمر

اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى
تتصورى ..... تتصورى

اصاحب الدروب ..... تتبسمى
اودع الغروب ..... تتألمى
و فى لحظة الوداع ..... تأربى
و فى لحظة اللؤا ..... بتبعدى
تتصورى ..... تتصورى

تضيع منى الحروف ..... تكملى
الف ياما و اشوف ..... تتأميلى
و يضيع منى الكلام ..... تتكلمى
نرسم شكل الحياه ..... و ترسمى
تتصورى ..... تتصورى

اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى

ђỐℓąҜỜ
عضو جديد
عضو جديد

عدد المساهمات : 3
نقاط : 11
السٌّمعَة : 0
تاريخ التسجيل : 23/04/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى